بالفيديو: تاريخ تجاوزات شيكابالا

مينفعش تكون حقانى و تكيل بمكيالين لأن شيكابالا بيتعرض للشتيمة فاتقول على شيكابالا انه طيب ومحترم! ولما نسأل عن إحترامه دراويشه ترد تقول دا أول واحد دعم شهداء الأهلي! وكإن ال عمله بمواساة أهالي الشهداء دي جميلة تغفر له ما تقدم من ذنبه وما تاخر مش واجب وفرض على كل انسان سوي.

وعشان الناس بتنسى بس ف أنا هجمع كل الشواهد ال تثبت إن شيكابالا لا على خلق ولا من احسن اللاعبين فى تاريخ مصر بالعكس هو تصرفاته دى بتثبت انه العكس تماما تصرفات مستحيل تطلع من شخص عنده اخلاق .

1- شيكابالا ف ماتش ف اسكندرية 2010 بعد ما خرج كتبديل راح لمرتضى منصور ف المدرج وشتمه بوالدته وقاله هدبحك وشاور على أعضائه الجنسية وقاله كلمات خادشة ودول لينكات

2- 2009 بعد نهاية ماتشه مع الاسماعيلي تعدى على جمهور الزمالك بأبشع الألفاظ ال ممكن تسمعها ف حياتك وسط حصار من زمايله عشان يمنعوه فتهجم عليهم هما كمان ودا لينك

3- 2012 وخناقته الشهيرة مع حسن شحاتة ناهيك بقى عن إن دا مدرب والمفروض تحترمه . وبالمناسبة فالإدارة وقتها مشت حسن شحاتة عشان خاطر عيون الطيب المحترم الأسواني الجميل
ودا لينك

4- 2019 بعد الهزيمة من إنبي اشتبك مع جمهور الزمالك وتطاول عليهم بألفاظ لو اتكتبت ف بوست مش بعيد مارك يقفل الأكونت مدى الحياة ودا لينك

5- 2015 شيكابالا بيغني أبطال على مين مع الجمهور وبيشتم الأهلي و كل الاهلاوية اللى دخلو التالتة شمال ودا لينك

6- شيكابالا بعد مباراة السوبر قدام الأهلي وحركات مسيئة وألفاظ وبعدها كان بيتبررله من كل المواقع والتلفزيونات

7- بيشتم جمههور الأهلي ف مباراة ماكانش طرفها الأهلي أصلًا

8- حسام البدري بيحتفل بالجول التاني مع جمهور الأهلي بيجري عليه وعايز يتخانق معاه

9- مباراة الزمالك ضد للأهلي شيكابالا بيتخانق مع لاعب وقع

10- أحمد فهمي ال بيدافع عنه ليل ونهار رايح يصالحه ف فرح وبيقوله متزعلش فشتمه وشتم جمهور الأهلي

11 - والشواهد والفضايح تكتر وتكتر دا غير خناقاته مع اللاعيبة ف الملعب والتطاول عليهم زي سيد معوض اللى مغلطش فى شيكا اصلا و شيكا هو اللى بدأ و قعد يشتم فيه ف ماتش أفريقيا 4-

12- وزي تعديه على حسين السيد ف ماتش الاسماعيلي السنادى وزي شتيمته لأحمد ياسر لاعب البنك الأهلي الموسم الحالي 13- وتهرب من التمرين ويسيب الفريق ويروح يقعد ف الساحل وميحضرش ويهرب من الزمالك يروح اليونان

14- ولما يضيق بيه الحال يرجع تاني يبحث عن اللقطة ويكسب بونط ويشتمله كلمتين على جمهور الأهلي فيرجع جمهور الزمالك للاسف يمجدوا فيه من تاني و يقولو حارق الاهلاوية

15- هو اكتر لاعب اتهزم فى تاريخ الدربى من الاهلى فاكيد الموضوع مش حرقان يا رب تفهم النقطة دى بس . 16- نقطة كمان شيكابالا اكتر لاعب في الملاعب المصرية اتوقف لسوء سلوكه ومن إدارات مختلفة ومش معقول كلهم جايين وحاطينه في دماغهم ، 17- لو تم تأكيد ايقافه الثمان شهور هايبقى اللاعب الاكثر حصولا على ايقاف في تاريخ كرة القدم بحيث يصل عدد ايام ايقافه 1263 يوم. عايز تنتقد ال بيطلق كلمات فيها عنصرية على شيكابالا ياريت تعمل كده لإن دا واجب وفرض و انا اول واحدة بقول كدا و محدش بيدافع عن اللى بيشتموه اصلا إنما الفكرة فيكم انتو تنتقد دول و تيجى عند شيكا تقول إن شيكابالا طيب وحريف وجدع وقلبه أبيض! وكمان هو اللي بيتعرض للظلم والإضطهاد !! فدا قمة التناقض ف أبهى صوره.