اكذوبة الاعلام يضطهد الزمالك

1. مشكلة جنش

مشكلة جنش دي تندرج مع سلسلة القصص إللي فيها خلاصة معيار التعامل مع الأهلي والزمالك يعني امبارح سيف زاهر بيقولك وهو متأثر كده انا احترمت جنش اوي رغم اعترافه إنه انفعل وغلط مع المدير الفني بل إن سيف كمان بيتوسط بينه وبين رئيس النادي والنهاردة مدرب حراس منتخب مصر

الناحية التانية في الأهلي يتقال لكهرباء هنفتح دفاترك القديمة في عملية ابتزاز وملاحقة على الهوا ضيف على ذلك لما الأهلي كان مكمل في مشواره الأفريقي وفارق عن الزمالك في الدوري بـعشرين نقطة اتغلب من الزمالك اتقاله أخ انت عندك مشكلة والدوري يا أهلي كان بيتحسم من المكتب !

مكتب ايه يا بني آدم بقولك فرق عشرين نقطة ده انا كده حاسم الدوري من اوضة النوم بس لأ طالما خسرت من الزمالك يبقى عندك مشكلة طيب أدي الزمالك خسر من الأهلي ورجع خسر من الأهلي تاني وخسر رايح جاي واتبعتر من طوب الأرض أفريقيا ً في ( البطولة إللي فيها المعيار الدولي الحقيقي ) ومع ذلك سيادتك وسيادته بتسوقوا لفكرة الزمالك البطل في الوقت إللي الاهلي كان ماسك زكيبة في ايده وداير يلم بطولات إشي أفريقيا وإشي كاس وإشي برونزية كاس عالم وإشي أفريقيا تاني وإشي سوبر أفريقي ولعيبته ترس رئيسي مع المنتخب الأول والاولمبي !

الإعلام العربي إللي فيه رؤوف خليف والشوالي وحفيظ دراجي ويعقوب الساعدي ونبيل معلول وغيرهم شايف الأهلي بعين (الفاهم المحايد )البطل رقم واحد في افريقيا وانتوا هنا مشغلوين بأمور تانية بينتج عنها آراء معيوبة ومتناقضة لكن آرائكم واستثنى منكم فقط - هاني حتحوت - كشفت اختلال معاييركم ومش هتخلينا نشوف الأهلي غير إنه بطل وسط مجموعة غرقانة في بحر الفشل وإتعلقت في قشة (نجاح وحيد استثنائي) …

2. مانويل جوزيه

‏من 8 سنين كان مانويل جوزيه عنده 68 سنة والإعلام مبهدله إنه عجوز ومش قادر يكمل في الشغل ، النهارده فيريرا بيتعين مدرب وهو 76 سنة ومفيش حد في الإعلام وقادة الرأي الرياضي المؤثرين عملوا عليه حملة جوزيه وقالو إنه عجز ومش هيعرف يشتغل دي عينة بسيطة لاختلاف المعايير و اكذوبة الاعلام الاحمر . By : كريم سمير