بعض من فضائح الحكام لمجاملة الزمالك وفضيحة رئيس لجنة الحكام موسم 2022
موسم 2022
حكم اسمه محمود ناجي والدوري لسه بيقول بسم الله الرحمن الرحيم يحسب لهم ضربة جزاء فضيحة ومحمود علاء يمسح بيه النجيلة ومايطردوش ويفوت انذار و اتنين لـ طارق حامد وياخد ٣ نقط بالحب وجهاز إنبي يحسبن عليه
مغلوب من الأهلي ٥-١ والنتيجة رايحة لفضيحة بجلاجل حكم إسمه محمد عادل يقول للطقم بتاعه شوية احتواء ياخوانا الله يخليكم دول سافين التراب في الملعب بلاش تبقى الدنيا عليهم والأهلي عليهم واحنا كمان عليهم ويطلع الماتش ٥-٣ بس
بيلاعب سيراميكا وضربة جزاء فضيحة في آخر دقيقة لسيراميكا مايحسبهاش الحكم معروف والناس تضرب كف على كف من الفضايح وياخد ٣ نقط تاني بالحب و يطلع رئيس لجنة الحكام عشان يداري الفضيحة يقولك بعتنا اللعبة لخبير في الفيفا قالنا انها مش ضربة الجزاء يقوم هاني حتحوت مكلمله الخبير ده و يقوله عليا النعمة ماحصل ويتضح إن رئيس لجنة الحكام كداب وبيجمل الصورة الفاسدة لحكامه وتبقى فضيحة تانية
نفس الحكم المشبوه يتكرر رغم أخطائه والناس تمصمص شفايفها من معايير إختيار حكام ماتشات الزمالك ! المصري كسبان واحد صفر والونش يمنع مهاجم منفرد وبدل ما يطرده ويلعب الزمالك ناقص يحسب فاول في لعبة تانية أقل خشونة ييجي منها هدف التعادل ويتقدم الزمالك وكمان ٣ نقط بالحب ويحسبن عليه جهاز المصري
يلعب في افريقيا يفشل يكسب ماتس ومايتحسبلوش ولا ضربة جزاء يرجع يلعب في الدوري يبقى اكتر فرقة بتاخد ضربات جزاء مشكوك فيها بأراء خبراء التحكيم نفسهم ويحصل ضغط علني ع الإعلاميين عشان يغضوا بصرهم ع إللي بيحصل
تخيل بعد كل ده إللي هو جزء صغير من فضايح تحكيمية في كل ماتشاتهم في الدوري يطلع المضحك ده أبو هدف واحد في سنتين دوري يقولك بنكسب بعرقنا ههههههههههههههههههه هههههههههههههههههههههههههههههههههههههههههههههههههههههه
فعلاً يابني والله إن لم تستحي فافعل ما شئت
هل اعجبك محتوى الصفحة؟
تساعدنا ملاحظاتك على تحسين محتوانا.